يوميات بريزة فضة..1
يوميات بريزة فضة1
اصدقائي وصديقاتي في اولى يوميات بريزة فضة احب اكلمكم عن طفولتي انا عشت طفولة سعيدة جداً بعد ما خرجت من المصرف استقريت اول ما استقريت في جيب موظف الكلام ده كان حوالي سنة 1980 البريزة ساعتها كان ليها شنة ورنة وكانت بتجيب حاجات كتيييييييييييير ماطولش عليكم........ انا استقريت في جيب الموظف صاحبنا حوالي يومين......قول تلاتة كنا داخلين على عيد الفطر وكنت باسمع صوت اطفال في البيت وانا نايمة جوه الجيب الصغير لصاحبنا الموظف وبنطلونه معلق في الشماعة
الله اكبر الله اكبر الله اكبر
لاااااااااا اله الا الله والله اكبر
الله اكبر ولله الحمد
كان اول يوم العيد وكنت اول مرة احضر صلاة العيد وبعد ما صلينا وكنت لسة مستخبية في جيب الموظف صاحبنا طلعني لاول مرة بعد تلات ايام من النوم الاضطراري وكنت سعيدة جداً لما اداني لبنته الصغيرة وقال لها خدي عيديتك ياااااااااااااااااااه ......؟؟ اخيراً اتنقلت لجيب جديد وحياه جديدة حياه لسة صغير وبريئة زيي ويا فرحة ما تمت البنوتة الشقية راحت للبقال واشترت بيه بالونة وسمعت وانا جوه درج البقال صوت انفجار كبييييييييييييييير عرفت بعدها ان البالونة انفجرت وكانت اول مرة في حياتي يمر عليه احساس الشماتة !!
حبايبي اصحابي صاحباتي
المرة الجاية هاكلمكلم عن
ايام في الحلال جوه درج البقال
بالذمة مش ينفع اسم فيلم
هتوحشوني لغاية بكرة
No comments:
Post a Comment