يوميات بريزة فضة..3

يوميات بريزة فضة 3

ملخص ما نشر

طلعت بريزة فضة للدنيا ودخلت جيب موظف اداها لبنته وبنته اديتها للبقال وقابلت اول ريال في حياتها وقعت في غرامه وبسرعة افترقوا بعد ما اداها البقال للست العجوز البخيلة و0000
رجعتلكم تاني
حبايبي اصحابي وصاحباتي
والنهاردة بقى يوم

*
معاناة بريزة اصيلة في كيس الست البخيلة

*

بعد الست ما خدتني من عند البقال حطتني بكل حرص جوه كيس قماش ومع اني بريزة فضة وما افهمش في التاريخ قوي بس أقدر أقولكم ان الست دي تعود لعصر ما قبل العملة مش هاين عليها تصرف ومن ساعة ما حطتني في الكيس وانا مستنية تصرفني يوم اتنين تلاتة يــــــــــــــــــاه دي حتى خروج ما بتخرجش المهم وانا قاعدة في الكيس كنت مرعوبة من الضلمة والوحدة كمان وكل يوم كانت الست تطلعني من الكيس تقلبني في ايدها وترجعني تاني تخيلوا صعبت عليا قوي وعرفت من وجودي في البيت البوص اللي كانت ساكنة فيه انها وحيدة ما لهاش حد في الدنيا دي وعشان كده هيه حريصة شوية حبيتها اكتر واتمنيت لو الاقي حد يؤنس وحدتها بوجوده معاها ويؤنس وحدتي 000000 بأي نقدية يحطهالها في الكيس ولكن ليس كل ما000 مش عارفة الباقي بس اكيد اصحابي عارفين ماعلينا000 صاحبتي المسكينة قرصها الجوع وزي مانتوا عارفين ما كانش معاها غيري ولو اني ما عرفش كان ايه احساسها وهية بتديني لصاحب فرن العيش بس حسيت انها حزينة لفراقي زي ما أنا كنت حزينة لفراقها كنت بدأت اتعود عليها بس ما خبيش عليكم فرحت بوجودي في الهواء الطلق في علبة خشب على مكتب صاحب الفرن غيرش بس شوية الردة اللي كل شوية يقعوا من ايده وهيه رايحة جاية عالعلبة ما خبيش عليكم انا كنت خايفة على شياكتي ولمعاني من البهدلة
بكرة ان شاء الله هاحكيلكم

يوميات يا نهار عدِّي في الفرن البلدي
هتوحشوني قوي