يوميات بريزة فضة ..19
يوميات بريزة فضة 19
وررررررررجعتلكم تاني
بريزة مش أي بريزة
بريزة عزيزة لذيذة
ومعاكم حصرياً
اصحابي وصاحباتي وحبايبي
كل سنة وانتم طيبين
ورمضان كريم
النهاردة معادنا مع
بريزة مش أي بريزة
بريزة عزيزة لذيذة
ومعاكم حصرياً
اصحابي وصاحباتي وحبايبي
كل سنة وانتم طيبين
ورمضان كريم
النهاردة معادنا مع
بريزة في رمضان
و....ليلة الرؤية
جميل قوي انتظار الحاجات اللي بنحبها
والاجمل انها تيجي في المعاد
وليلة الرؤية دي بقى من احلى الحاجات
اللي انا باموت فيها
ولو اني مش باشوف الهلال بنفسي
بس باستنى البيان الجميل
اللي بيقول إن بكرة رمضان
ياااااااااااااااااااااااااااه
باتضايق قوي لما يقول أن بكرة المتمم
وبعد بكرة رمضان اصلي بجد
بأموت في المفاجآت
بس المفاجأة المرة دي كانت من العيار التقيل
اصل انا كنت فاتحة قناة المنوعات
ولسة بدري عالبيان
وفجأة لقيتهم قطعوا الأغاني
واعلنوا بيان هام
من رياسة ال..... انتم عارفين بقى
جاءنا البيان التالي
نظراً للظروف الاقتصادية التي تمر بها البلاد
وتحسباً لوقوع خسائر مادية فادحة
قد تنجم عن الفجع الشرائي لكل ما يخطر
على بال ..من ملابس.. وحلوى ..الخ
فقد قررت رياسة ال...... الي انتوا عارفينها دي
بعد استشارة اولى الامر
تأجيل شهر رمضان المبارك
لحين تحسن الاوضاع الاقتصادية للبلاد
وكل عام ٍ وانتم بخير
كل عام ٍ وانتم بخير؟؟؟
طب ازاي
رمضان مش جاي السنة دي في معاده؟؟
رمضان..... هيتأجل؟؟
ولأجل غير معلوم كمان
طيب انا هاضرب صواريخ امتى بقى
والزينة اللي ملت الشوارع دي هنعمل
بيها ايه
قبل ما يكمل البيان العجيب ده كنت
سرحت ووتخيلت الموقف اللي ممكن يترتب
على موضوع زي ده
يانهار
كل البقالين اللي عاملين حسابهم على
رمضان عشان يبيعوا البضاعة بتاعة
السنة اللي فاتت...ياترى هيعملوا ايه؟؟
والتجار اللي رفعوا سعر البضاعة
عشان عارفين أن كدة كدة الناس هتشتري
كدة البضاعة ممكن تبوظ
طب والناس نفسهم
اللي بقاله ست اشهر كل ماتفتح الجمعية
يروح يقف في الطابور عشان يحجز سكر
ودقيق لزوم الحلو في رمضان
واللي خد سلفة من الشغل عشان الياميش
والبندق وعين الجمل
وعين الحسود برده مش سايباه في حاله
ده حتى الناس اللي مش لاقية تاكل
واللي كانت بتتنغنغ في رمضان
على موائد الرحمن
دول ممكن يقلبوها ثورة
ثورة الجياع
يا نهار يانهار
دي كمان ممكن تحصل فيه احداث ارهابية
لما التجار اللي استوردوا الصواريخ والبارود
من الصين مخصوص
وخدوا قرض من البنك عشانه
يشاركوا في الثورة
اكيد هيشاركوا با لديناميت
اللي مش لاقي حد يشتريه
ومش بعيد تاجر خسر كل اللي حيلته
يفجر نفسه
وسط المتظاهرين
طيب والمرور اللي ناس مستحملة قرفه
بقالها شهرين
قال ايه بروفة عشان خاطر رمضان
بعد الصبر ده كله مايجيش رمضان
طيب والتليفزيون
ياترى هيذيع البرامج بتاعة رمضان
وللا هيخليها لما يبقى ييجي رمضان
المسلسلات ممكن تتباع على رصيف
المنطقة الحرة
لأي قناة عربية
آه..ما الدول العربية الشقيقة
رمضان هيجيلها عادي
واشمعنى المرة دي يعني اللي هيوافقونا
حتى المرة دي المشكلة مشكلتنا
مش مشكلة الهلال والرؤية
يييييييييييييييييييييييييييه
ده انا نسيت حاجة مهمة خالص
العيد
بما أن رمضان مش جاي
يبقى كمان العيد مش هييجي
طب والهدوم الجديدة مين اللي هيلبسها ويشتريها
والكحك والبسكوت والغريّبة
انا عن نفسي باموت ف الغريّبة
طب والناس اللي قاعدين في الترب(المقابر)
اللي بيسترزقوا في العيد
من زوار المقابر
ولو انها عادة زي الزفت
بس اهي في ناس بترزق منها
ولا المراكبية اللي بيطلعوا رحلات في العيد
وبمناسبة المراكبية
الناس اللي بتبيع الرنجة والتونة
والفسيخ(يع يع يع)
الفسيخ هيعفن اكتر ما هو معفن
يا ربي
كل دي خسائر مادية هتترتب عالموضوع ده
طيب والخسائر المعنوية
هيعملوا ايه الناس اللي بتستنى رمضان
عشان تصلي وتتعبد
وتقرأ القرآن
ولا الناس اللي طول السنة ناسية أن في غلابة
وبتفتكر لما ييجي رمضان
عشان تعمل موائد الرحمن
وتأكلهم
يا ترى هيعملوا ايه
طب وانا
انا نفسي كنت ناوية انزل يوميات رمضانية
اعمل ايه انا دلوقت
وانا سرحانة كنت باقلب في القنوات بجنون
بحثاً عن أي قناة تاني تقول كلام غير ده
ولقيت نفسي بارجع تاني لقناة المنوعات
نفس البيان بيتذاع بس لما استنيت لآخر البيان
كان في مفاجأة تانية
المذيع اللي بيذع البيان فجأة قعد يضحك
وقال وهو مكركر على الاخر
كانت هذه احدى حلقات برنامج المنوعات
الذي تلتقون به يومياً
طوال شهر رمضان المبارك
واللي انتوا عارفين من سنة انه جاي بكرة
وكل سنة وانتم طيبين
يا ولاد اللذينا
هما بيجيبوا الافكار دي منين
اشوفكم قريب
اوعوا ماتكونوش بتصوموا
تفطروا على خير
حبيبتكم بريزة فضة
و....ليلة الرؤية
جميل قوي انتظار الحاجات اللي بنحبها
والاجمل انها تيجي في المعاد
وليلة الرؤية دي بقى من احلى الحاجات
اللي انا باموت فيها
ولو اني مش باشوف الهلال بنفسي
بس باستنى البيان الجميل
اللي بيقول إن بكرة رمضان
ياااااااااااااااااااااااااااه
باتضايق قوي لما يقول أن بكرة المتمم
وبعد بكرة رمضان اصلي بجد
بأموت في المفاجآت
بس المفاجأة المرة دي كانت من العيار التقيل
اصل انا كنت فاتحة قناة المنوعات
ولسة بدري عالبيان
وفجأة لقيتهم قطعوا الأغاني
واعلنوا بيان هام
من رياسة ال..... انتم عارفين بقى
جاءنا البيان التالي
نظراً للظروف الاقتصادية التي تمر بها البلاد
وتحسباً لوقوع خسائر مادية فادحة
قد تنجم عن الفجع الشرائي لكل ما يخطر
على بال ..من ملابس.. وحلوى ..الخ
فقد قررت رياسة ال...... الي انتوا عارفينها دي
بعد استشارة اولى الامر
تأجيل شهر رمضان المبارك
لحين تحسن الاوضاع الاقتصادية للبلاد
وكل عام ٍ وانتم بخير
كل عام ٍ وانتم بخير؟؟؟
طب ازاي
رمضان مش جاي السنة دي في معاده؟؟
رمضان..... هيتأجل؟؟
ولأجل غير معلوم كمان
طيب انا هاضرب صواريخ امتى بقى
والزينة اللي ملت الشوارع دي هنعمل
بيها ايه
قبل ما يكمل البيان العجيب ده كنت
سرحت ووتخيلت الموقف اللي ممكن يترتب
على موضوع زي ده
يانهار
كل البقالين اللي عاملين حسابهم على
رمضان عشان يبيعوا البضاعة بتاعة
السنة اللي فاتت...ياترى هيعملوا ايه؟؟
والتجار اللي رفعوا سعر البضاعة
عشان عارفين أن كدة كدة الناس هتشتري
كدة البضاعة ممكن تبوظ
طب والناس نفسهم
اللي بقاله ست اشهر كل ماتفتح الجمعية
يروح يقف في الطابور عشان يحجز سكر
ودقيق لزوم الحلو في رمضان
واللي خد سلفة من الشغل عشان الياميش
والبندق وعين الجمل
وعين الحسود برده مش سايباه في حاله
ده حتى الناس اللي مش لاقية تاكل
واللي كانت بتتنغنغ في رمضان
على موائد الرحمن
دول ممكن يقلبوها ثورة
ثورة الجياع
يا نهار يانهار
دي كمان ممكن تحصل فيه احداث ارهابية
لما التجار اللي استوردوا الصواريخ والبارود
من الصين مخصوص
وخدوا قرض من البنك عشانه
يشاركوا في الثورة
اكيد هيشاركوا با لديناميت
اللي مش لاقي حد يشتريه
ومش بعيد تاجر خسر كل اللي حيلته
يفجر نفسه
وسط المتظاهرين
طيب والمرور اللي ناس مستحملة قرفه
بقالها شهرين
قال ايه بروفة عشان خاطر رمضان
بعد الصبر ده كله مايجيش رمضان
طيب والتليفزيون
ياترى هيذيع البرامج بتاعة رمضان
وللا هيخليها لما يبقى ييجي رمضان
المسلسلات ممكن تتباع على رصيف
المنطقة الحرة
لأي قناة عربية
آه..ما الدول العربية الشقيقة
رمضان هيجيلها عادي
واشمعنى المرة دي يعني اللي هيوافقونا
حتى المرة دي المشكلة مشكلتنا
مش مشكلة الهلال والرؤية
يييييييييييييييييييييييييييه
ده انا نسيت حاجة مهمة خالص
العيد
بما أن رمضان مش جاي
يبقى كمان العيد مش هييجي
طب والهدوم الجديدة مين اللي هيلبسها ويشتريها
والكحك والبسكوت والغريّبة
انا عن نفسي باموت ف الغريّبة
طب والناس اللي قاعدين في الترب(المقابر)
اللي بيسترزقوا في العيد
من زوار المقابر
ولو انها عادة زي الزفت
بس اهي في ناس بترزق منها
ولا المراكبية اللي بيطلعوا رحلات في العيد
وبمناسبة المراكبية
الناس اللي بتبيع الرنجة والتونة
والفسيخ(يع يع يع)
الفسيخ هيعفن اكتر ما هو معفن
يا ربي
كل دي خسائر مادية هتترتب عالموضوع ده
طيب والخسائر المعنوية
هيعملوا ايه الناس اللي بتستنى رمضان
عشان تصلي وتتعبد
وتقرأ القرآن
ولا الناس اللي طول السنة ناسية أن في غلابة
وبتفتكر لما ييجي رمضان
عشان تعمل موائد الرحمن
وتأكلهم
يا ترى هيعملوا ايه
طب وانا
انا نفسي كنت ناوية انزل يوميات رمضانية
اعمل ايه انا دلوقت
وانا سرحانة كنت باقلب في القنوات بجنون
بحثاً عن أي قناة تاني تقول كلام غير ده
ولقيت نفسي بارجع تاني لقناة المنوعات
نفس البيان بيتذاع بس لما استنيت لآخر البيان
كان في مفاجأة تانية
المذيع اللي بيذع البيان فجأة قعد يضحك
وقال وهو مكركر على الاخر
كانت هذه احدى حلقات برنامج المنوعات
الذي تلتقون به يومياً
طوال شهر رمضان المبارك
واللي انتوا عارفين من سنة انه جاي بكرة
وكل سنة وانتم طيبين
يا ولاد اللذينا
هما بيجيبوا الافكار دي منين
اشوفكم قريب
اوعوا ماتكونوش بتصوموا
تفطروا على خير
حبيبتكم بريزة فضة
No comments:
Post a Comment