يوميات بريزة فضة .. مقدمة
يوميات بريزة فضة
**
مقدمة
هاي عليكم جميعاً اعرفكم بنفسي انا بريزة فضة مطبوعة في سنة 1978م - 1398هـ ترعرعت في جيوب الولاد الصغيرين والموظفين التعبانين ومن ايد لايد بدأت خبرتي في الحياة تزيد ومن جيب موظف لجيب تلميذ بدأت اعرف وبقيت في اللذيذ مش هاطول عليكم من النهاردة ان شاء الله انا هابتدي اكتب مذكراتي وعليكم يا اصحابي وصاحباتي انكم تمدوني بالنصح دايماً لو عجبتكم حكاياتي ..... شجعوني لو ماعجبتكمش........؟؟ مممم هتبقى مشكلة دي المهم هنحاول نحلها مع بعض الاهم نكون مع بعض دايماً قبل ما انسى.... عشان اسمي بريزة البعض هيتهيأله اني مؤنث انا لا مؤنث ولا مذكر ولا جنس تالت بدل ما افكاركم تروح لبعيد انا مجرد بريزة فضة حالياً ولغاية ما اعمل ايميل انا هاستقبل ايميلاتكم على ايميل صديقي هاني هو شاعر سنه من سني وعشان كده اول ما لقاني حب يحتفظ بيه وحطني في علبة شيك خالص وسط الهدايا والتذكارات اللي عنده وهو اللي اقنعني بضرورة كتابة مذكراتي مش هاطول عليكم
استنوني
في اولى حلقات
*
*
يوميات بريزة فضة
No comments:
Post a Comment