يوميات بريزة فضة ..20

يوميات بريزة فضة 20

وررررررررجعتلكم تاني
بريزة مش أي بريزة
بريزة عزيزة لذيذة
ومعاكم حصرياً
اصحابي.. صاحباتي.. حبايبي
رمضان شهر كريم
بنتقرب فيه لله بالطاعات
وفرصة لمراجعة النفس
والتأمل
وبمناسبة التأمل
انا كنت قاعدة قدام التليفزيون
من كام يوم
وفوجئت بكم الاعلانات اللي بتحتوي
على مسابقات
واللي جزء منها بيعتمد على الحظ
والجزء التاني بيعتمد على حل اسئلة
بس في الاتنين
بيبقى في سحب وانت وحظك برده
سرحت شوية
وافتكرت نوع تاني من المسابقات
اكيد كلكم شفتوها او على الاقل سمعتوا بيها
Survivors
واكيد كلكلم تعرفوا معناها
المقاومون من اجل الحياة
او الناجون بعد مقاومة شئ مهلك
المسابقة دي
جايزتها مليون دولار
مليووووووووووون دولار
مين منكم ما يضحيش عشان مليون دولار
شباب كتير جداً يتمنوا
يشتركوا في مسابقة زي دي
طب مليون دلار دول ياخدوهم ازاي
اقولكم يا اصحابي
واللي يعرف ما يقاطعنيش
بيجيبوا مجموعة الشباب
المشتركين في المسابقة دي
ويرموهم على جزيرة
لا اكل ولا شرب
ويحطوهم تحت اختبارات صعبة قوي
يعني في حلقة من الحلقات
عشان يختبروا قوة تحملهم
خلوهم يقعدوا اطول فترة
من غير اكل ولا شرب
24 ساعة كاملة
ولما افرجوا عنهم
أكلوهم نوع من انواع الدود
آه والله دوووووود
وطبعاً كله يهون في سبيل مليون دولار
الشباب كانوا بياكلوه
كأنهم بياكلوا شيكولاتة
اختبار تاني
خلـّوهم يروحوا لجزيرة في وسط البحر
وسط امواج عاتية
وظروف مستحيلة
يمشوا في مستنقعات
والبعوض حواليهم والحشرات
يقضوا اطول فترة من غير استحمام
هما اساساً مش موفرين لهم مياه كفاية للشرب
وكل فترة
تتعمل انتخابات
يخرجوا فيها الاقل مساعدة لزمايله
والذي لا يجود بما عنده
الاناني من الاخر
وتستمر المسابقة
لغاية ما تصفي على اتنين
وهنا بقى يكون رأي الجمهور هو الفيصل
والجمهور يتصل
بما يتجاوز المليون دولار بمراحل
وفي الاخر واحد يفوز
بال
مليــــــ1000000ـــــون دولار
حد خد باله من المعنى اللي خطر
على بالي الفضي الجميل
اللي خد باله مايقولش
واللي ماخدش باله يخليه معايا
ونحسبها مع بعض
اللي فاز بالمليون دولار ده
هيعمل بيهم ايه
وهنعتبره من مصر عشان المليون دولار
يبقى ليهم قيمة بعض الشئ
ستة مليون جنيه مصري
اكيد هيجيب فيللا مثلا ً
اقل واجب
لو حد فيكم بيفتح الجريدة اليومية
هيتفرج على اسعار الشقق مش الفيلات
وهيلاقي أن في شقق بتتجاوز المليون والاتنين
هنفترض انه خد فيللا باتنين مليون
اتبقى اربعة مليون
هيجيب كمان عربية نقول ب نص مليون
واسعة دي
ابداً والله
عشان يجيب عربية تليق بالوضع الجديد
يدوب هتبقى في الحدود دي
اتبقى كام
تلاتة ونص
اللي فاز ده اكيد شاب
هيتجوز بكام
في وضعه الجديد
هيقدم شبكة يدوب بنص مليون برده
طيب والفرح
اقله هيتكلف نص تاني مع رحلة شهر العسل
اتبقى اتنين ونص مليون
ها فكروا معايا
ايه تاني
ممممممم
المدام مش هيجيبلها عربية
ادي نص مليون تاني
اتبقى اتنين مليون
يا عم وهنقول ما فيش مصاريف تاني
طيب تفتكروا مرتبات خدم وحشم
وسواقين تطلع كام في الشهر
نقول 20 الف
يعني ربع مليون في السنة
طيب اكل وشرب
نقول 30
كمان ربع مليون تانين
طيب وهدوم من باريس ولندن
نقول في السنة بكام
ب100/ 125 الف
في اتنين
بربع مليون تاني
طولت عليكم .... ممكن نكمل يوم تاني
خلاص خلاص
نكمل
اتبقى مليون ونص جنيه مصري
تفتكروا لو جاله مرض عضال
يكفوه علاج
اكيد مش هيبقى في مصر
اقله في كليفلاند ولا لندن اكلينيك
بعد سنة واحدة
وبحسبة بسيطة
بعد كل الهوان اللي شافه عشان
يحصل على المليون
ممكن يرجع تاني
مش لاقي ياكل
طيب والموت
حد فكر انه بعد ما ياخد المليون دولار دول
أن الموت ممكن يخطفه قبل ما يتهنى بيهم
انا خلصت العرض
ودلوقتي بقى جيه وقت التأمل
ربنا خلقنا وادانا الحرية
نسعى في الارض ونبحث عن الرزق
ربنا طلب مننا ايه
طلب مننا نصلي خمس مرات يومياً
وقبلهم نغتسل خمس مرات (نتوضأ)
(المقاومين منعوا من الاستحمام)
ربنا طلب مننا
نصوم شهر في السنة
من الفجر للمغرب
ولما نفطر نفطر على الطيب من الطعام
(قارن بلا تشبيه)
ربنا طلب مننا نحج
بس في حالة الاستطاعة
مطلبش نرمي نفسينا في البحر والتهلكة
عشان نروح نحج
ربنا امرنا باخراج الزكاة والصدقات
ومساعدة اخواننا المحتاجين
نيجي بقى للمكسب
اللي هيدخل مسابقة ربنا
هيكسب ايه
الجنة
سمعتوا
الجنة
وفيها ايه بقى الجنة دي
فيها مالا عين رأت
ولا اذن سمعت
ولا خطر على قلب بشر
طيب يعني فيها فيلات
يعني فيها عربيات
يعني فيها خدم وحشم
كل ده في الجنة
مجاناً ولا ينفذ
طيب يعني فيها مرض
فيها تعب
فيها موت
ابداً خلود بلا موت
اصحابي
حد خد باله من المقصود
من فترة كدة كان في سيم من الناس
قال قدامي رأي
وساعتها فكرت فيه وشغلني
اذا كان ربنا عايزنا نمتنع عن الشهوات المحرمة
طيب ليه سبحانه وتعالى خلقها
كنت باسأل نفسي ليه ربنا ما دخلناش
الجنة على طول كدة
من غير تعب ولا جهد
طيب ازاي هيبان لنا احنا المفسد من المصلح
ولو ربنا وضع حد فينا في مكانة اعلى من اخوه
كنا هنقول ايه
اصحابي
بمناسبة رمضان
تقربوا الى الله واسألوه الجنة
وما قرب اليها من قول او عمل
واستعيذوا به من النار
وما قرب ا ليها من قول او عمل
وخدوا الدنيا كحلبة السباق
اجتهدوا كي تنالوا المركز الاول
واستودعكم الله
ملحوظة
معظم الكلام الموجود باليومية النهاردة منقول
عن صاحبي هاني راتب
انتم عارفين أن الكلام ده كبير عليا
تفطروا على خير
بريزة فضة