يوميات بريزة فضة..10
يوميات بريزة فضة 10
ورررررررررر..................جعتلكم تاني
ورررررررررر..................جعتلكم تاني
بريزة .......عزيزة ............ لذيذة
ومعاكم حصرياً
النهاردة انا جاية احكيلكم
النهاردة انا جاية احكيلكم
*
اللي جرى ليه في درج الصيدليه
*
اللي جرى ليه في درج الصيدليه
*
بعد الايام اللذيذة اللي عشتها مع الاولاد الايتام في الدار
انتقلت بقدرة قادر لدرج الصيدلية لما احمد الولد الصغير راح اشترى بيه حبة لعلاج الصداع
وطبعاً انتم فاكرين درج الصيدليه زيه زي أي درج
انا كنت فاكرة زيكم كده
لغاية ما شفت بنفسي غير ان فيه شلنات وبرايز واربع ....
اتضح ان فيه شرايط برشام كمان وكل شوية يدخل حد يوشوش اللي واقف
يقوم جاي ... افتكره هياخدني الاقيه بياخد برشامة من اللي معانا في الدرج ويديها للراجل واحياناً كمان يشربها وهو واقف بصراحة انا استغربت قوي من الموضوع ده
نسيت اقول لكم اني عرفت ان الي واقف في الصيدلية ده مش دكتور!!
اتضح انه معاه مؤهل متوسط
والدكتور مشغله في الصيدلية عشان يوفر مرتب صيدلي مؤهل
ولأن الدكتور صاحب الصيدلية مش فاضي ومشاغله كتير
ساب لصاحبنا الجمل بما حمل وكان فرحان بالايراد العالي للصيدلية
وفي كل حته يتكلم عن نباهة الولد اللي شغال معاه
وانه احسن من أي صيدلي اشتغل معاه كفاية ان الايراد زاد في وجوده
وطبعاً الدكتور المحترم ماكانش عارف ان الولد بيتاجر في ادوية ممنوعة من خلال الصيدلية ولإن الولد ده قعد فترة في الصيدليه هو افتكر ان الموضوع سهل وصدق انه خلاص بقى احسن من الصيادلة المؤهلين وبدأ يوصف علاج بنفسه وحتى الناس افتكروه دكتور
وعشان هو ماش دارس كان مايعرفش الاعراض الجانبية للأدوية
ومن حظة السئ وقع مع واحد من المعلمين الكبار
اداله برشامة على انها منشط قوي وطبعاً ما كانش يعرف تاريخه المرضي الراجل خد البرشامة من هنا وضربات قلبه زادت وطب ساكت
ولما فاق في المستشفى سألوه خدت ايه او كلت ايه وافتكر فوراً القرص اللي اداهوله صاحبنا وعاللي جرى
قبل ما البوليس يوصل كانوا رجالة المعلم فقعوا صاحبنا حتة علقة والبوليس داهم المكان وقبض عالولد وحرز اللي في الدرج
وافتكرت ان انا هاتحرز تاني بس من غير ما حد ياخد باله العسكري لم الفكه وحطها في جيبه
ويبدو انه كان متعود على كده لأنه عملها بخفة ايد حرامية محترفين
واتقفلت الصيدليه
وانا اتنقلت لجيب جديد
جيب العسكري
أصحابي
انا طبعاً مش ضد عمالة المؤهلات المتوسطة بس لازم كل واحد يعرف اختصاصاته وكفاية الفهلوة بقى اللي جابت البلد ورا
واشوفكم بكرة
في القسم
انتقلت بقدرة قادر لدرج الصيدلية لما احمد الولد الصغير راح اشترى بيه حبة لعلاج الصداع
وطبعاً انتم فاكرين درج الصيدليه زيه زي أي درج
انا كنت فاكرة زيكم كده
لغاية ما شفت بنفسي غير ان فيه شلنات وبرايز واربع ....
اتضح ان فيه شرايط برشام كمان وكل شوية يدخل حد يوشوش اللي واقف
يقوم جاي ... افتكره هياخدني الاقيه بياخد برشامة من اللي معانا في الدرج ويديها للراجل واحياناً كمان يشربها وهو واقف بصراحة انا استغربت قوي من الموضوع ده
نسيت اقول لكم اني عرفت ان الي واقف في الصيدلية ده مش دكتور!!
اتضح انه معاه مؤهل متوسط
والدكتور مشغله في الصيدلية عشان يوفر مرتب صيدلي مؤهل
ولأن الدكتور صاحب الصيدلية مش فاضي ومشاغله كتير
ساب لصاحبنا الجمل بما حمل وكان فرحان بالايراد العالي للصيدلية
وفي كل حته يتكلم عن نباهة الولد اللي شغال معاه
وانه احسن من أي صيدلي اشتغل معاه كفاية ان الايراد زاد في وجوده
وطبعاً الدكتور المحترم ماكانش عارف ان الولد بيتاجر في ادوية ممنوعة من خلال الصيدلية ولإن الولد ده قعد فترة في الصيدليه هو افتكر ان الموضوع سهل وصدق انه خلاص بقى احسن من الصيادلة المؤهلين وبدأ يوصف علاج بنفسه وحتى الناس افتكروه دكتور
وعشان هو ماش دارس كان مايعرفش الاعراض الجانبية للأدوية
ومن حظة السئ وقع مع واحد من المعلمين الكبار
اداله برشامة على انها منشط قوي وطبعاً ما كانش يعرف تاريخه المرضي الراجل خد البرشامة من هنا وضربات قلبه زادت وطب ساكت
ولما فاق في المستشفى سألوه خدت ايه او كلت ايه وافتكر فوراً القرص اللي اداهوله صاحبنا وعاللي جرى
قبل ما البوليس يوصل كانوا رجالة المعلم فقعوا صاحبنا حتة علقة والبوليس داهم المكان وقبض عالولد وحرز اللي في الدرج
وافتكرت ان انا هاتحرز تاني بس من غير ما حد ياخد باله العسكري لم الفكه وحطها في جيبه
ويبدو انه كان متعود على كده لأنه عملها بخفة ايد حرامية محترفين
واتقفلت الصيدليه
وانا اتنقلت لجيب جديد
جيب العسكري
أصحابي
انا طبعاً مش ضد عمالة المؤهلات المتوسطة بس لازم كل واحد يعرف اختصاصاته وكفاية الفهلوة بقى اللي جابت البلد ورا
واشوفكم بكرة
في القسم
No comments:
Post a Comment